59% мехкахой лораша лазараш дий хьожаш беча балха раьза ба
06.11.2025 09:34
«Макс-М» компане гIалгIай филиало дIабихьача тохкама балхо хьахьекхар, 59% вай мехкахой республике могашалла хьал миштад хьожаш дIакхухьаш болча балха раьза болга. Из хоам «Сердалога» бир цу оагIонцарча министерстве.
2422 сагаца къамаьл хилар из болх дIахьош. Бахархой раьза бар паргIатта дегIа могашал миштай хьажа йиш хилара.
«Иштта дIакхухьача балхо хIетта хьакхийттача хана гучадоах лазараш, цунга хьежжа дарба де а аттагIа хул.
Хан-ханнахьа лорашка чакхвоалаш хилар чIоагIа лоархIаме да хIара сага вахаре, лазараш ца даржийтара тIехьа леладе деза из», - белгалдир министерстве.
