ОВЗ дола бераш хьаллоацаш йола оагӀув
ГӏалгӀай Республике дика дакъа лоацаш я Пхьиленаькъан Хьавас дӀайолаяь, могаш доацача берашца болх беш бола даьй-ноаной, хьахархой, говзанчаш хьаллацара йола портал, яхаш, дийцар «Сердало» газетага цу проекта зарбан болх лелабераша.
«Интернет-майда тӀахьехаш я цхьацца долча лоархӏамеча хаттарашта жоп луш, ОВЗ долча берашца болх дӀабахьара хьалаш гойташ, паччахьалкхенна новкъостал лоаттадеш, законаш лорадеш цаӀ йола таьрахьий моттиг хьакхоллара.
Сайт 7ovz.ru – из боккха гӀа ба цу таронашка кхачара, цунна чуйоагӀа 20 оагӀув. Чулоапцамах йолча кхетачено таро лу даьшта, говзанчашта шоайла къамаьл хила, дикагӀа йола оагӀонаш юкъеяха», - аьлар хоамо.
Из дӀайолайир «Тароний центр ОВЗ» яха проект гранташ йоахача яхье котъяларца, из хилар кагирхой гӀулакха йолча Федеральни агентствон «Тӏаргим» яхача Ерригроссийски кхетаче.
«Тхо хьожаш да Ӏалашо е лоархӀамедараш юкъедахара, уж да кхелахой хоамаш, дешара даькъ тӀара кердадараш, ший тайпара дешара даькъ тӀара психологически новкъостал», - аьлар Пхьиленаькъан Хьавас.
