ГӀалгӀай мехка кийчо еш ба, эллиний-румой латарах йолча Россен хьалхаленга
ГӀалгӀай Республикан физически культуран, спорта министра кхетаче дӀайихьар, шийна чуйоагӀача моттигашца. 24 шу даллалца болча спортсменашта юкъе эллиний-румий латарах Россе хьалхале дӀахьош, цига эшарех дийцар вӀашагӀкхетаре, яхаш, дийцар «Сердало» газетага министерствон зарбан болх лелабераша.
«Карарча хана дика къахьегаш я оргкомитет. ХӀанз кхоачашдаьд доакъашхой мичахьа Ӏеш хургба хара дола, гостиницашкара, кхачанцара дешаш. Мехка культура Министерствос спортивни кхетаче дӀаяхьара дика терко лоаттаю. Из хетаяь я Россе Турпалхочун Келаматанаькъан Ӏалихана. ЛоархӀаме да, цу кийчонна чудоагӀаш, Йовлой Б. цӀерагӀча «Магас» спорта ЦӀагӀа тоадара балхаш дӀахьош хилар. Из доазув тоадаь хургда карарча хана», - аьлар тхоца къамаьл даьчо.
Спортивни боахама кулгалхочо Белхарой Руслана яхачох, кхоачамбоацараш долаш моттиг яц.
