«Эра-Глонасс» яхача оагӀонах хьун машинаш дӀахотташ ба мехка
«Эра-Глонасс» яхача оагӀонах хьун гӀулакха лелаю машинаш дӀахотташ бола болх ахангахьа кхоачаш чакхбаьккхаб республике. 26 машинах карарча хана из гӀулакх чакхдаьккхараш 14 машин я.
Из хоам «Сердалога» бир Ӏалама гӀулакхех йолча министерствос. Цу оагӀонца хилара керттера гӀулакх цӀи яьнна моттиг сиха хоаялийтар, ма хулла чехкагӀа из дӀайоае аьттув хилар да.
«Спутникацарча навигаце гӀирс оттабийя, SӀM карташ хьалу дӀатӀахоттавелча. Из гӀулакх кхетадеш болча говзанчаша дӀахьош болх ба из. ФГИС хьун моттига оагӀонга - Рослесхоза таьрахьий гӀирсага дӀакхоачийт платформо деррига хӀама.
2021-ча шера денз, хьабахьаш ба из лоархӀаме болх, бакъда, цхьацца кхоачамбоацараш юстардаххалца аьнна ха хийца, 2025-ча шера Ӏан шоллагӀча бетта 1-ча дийнахьа денз, дӀачӀоагӀбаьб из», - дийцар тхога хьун боахама тӀахьожам бераша.
Белгалде деза «Эра-Глонасс» яхача оагӀонца бувзам хургбола еррига машинаш министерствос «Хьунаш лораяр» яхача паччахьалкхен программан «Экологи» яхача къаман проектага гӀолла ийца йолга.
