«80 дика гӀулакх» яха проект я, вай мехка кхоачашъеш
Вай Мехкадас соцам баь, «80 дика гӀулакх» яха, Коталон Ден хетабаь, тӀема операце доакъашхой дезалашта гӀо деш бола боккха болам ба республике дӀахьош. Из хоам «Сердалога» бир цу моттигера.
Магасерча администраце болхлоша, из гӀулакх хьаллоацаш, берашта ишколе эшаш йола хӀамаш йийкъар. Магасерча дешара моттига кулгал деча Албохчанаькъан Маликас белгалдечох, иштта долча боламаша доккха новкъостал ду, берий дешарцара безам чӀоагӀбу.
ТӀема операцена юкъе де доацаш байнарий дезалаш болча ухаш, царна гӀо дир мехко. Даарех йиза йола яьшкаш енна, 18 шерга кхачанза дола бераш долча дезалашта къаьстта терко йир администраце. Доккха баркал кхайкадир бахархоша, из беркате гӀулакх юкъедаьккхача Мехкадаьна! «80 дика гӀулакх» яхача боламо хьагойт, нах шоайла къахетаме, машаре, гӀо деш хила безилга.
