ГӀалгӀай мехка къовсам лоаттабу кагирхошта юкъе наха низаш дара зулам доаржадарца
ГӀалгӀайчен Ӏаьдало Росгварде болхлошца цхьана къовсам лоаттабу дешархошта юкъе терроризм, экстремизм яржаргйоацаш, яхаш, дийцар «Сердало» газетага цигарча зарбан болх лелабераша.
Укх деношка, республике герга истол хилар. Цига къамаьл деш бар тӀема-политически балха даькъ тӀарча урхаллен кулгалхо Албетков Андрей, ГӀалгӀайчен, арахьарча бувзама, къамий, конфессей гӀулакхах йолча Министерствон отдела кулгалхо Харсенаькъан Мухьмад, иштта Кареле Республикан муфтий хинна ТӀонганаькъан Ахьмад. Цар белгалдир Ӏадаташца дувзаденна лоархӀаме гӀулакхаш леладе дезаш хилар, терроризмах, экстремизмах лоравала везаш хилар, цу наькъ тӀа вала йиш йоацилга, из унзара хьал долга кагирхошта хьалхадоаккхаш хила везилга», - аьлар Росгварде урхаллене.
«ЛоархӀаме да, ший ханнахьа из доккха зулам хилар кхета а даь, цунна юстарвалар. Эггара дикагӀа цу даькъ тӀа накъадоалар да; нахаца, уж дӀакхетабеш, болх дӀахьош хилар, вай кагирхой цу зуламах лорабергболаш», - аьлар подполковника Албетков Андрейс.
