ГӀалгӀайче дика кхоачашъю «Даьхен амал ду» яха проект
ГӀалгӀайчен «Даьхен лорбой» яхача ганза филиала дика кхоачашъю «Даьхенна амал ду» яха проект. АргӀанара денала урок дӀайихьар, лаьрххӀача операцен бӀухочо дакъа а лоацаш, Наьсарен-Шахьаре, яхаш, дийцар «Сердало» газетага цигарча зарбан болх лелабераша.
«Наьсарен №1 йолча ишколе-интернате багӀа 8-9-ча класса дешархой чӀоагӀа терко тӀайохийташ ладувгӀаш бар хьаьшашка. ТӀема гӀулакх леладеш волча Д. Расула, иштта Д. Вячеслава эскарера гӀулакх дийца ца Ӏеш, ма дарра дийцар шоаш российски эскара мугӀарашка нийсбалара бахьан, иштта цар берашта довзийтар шоашта уллув латтача бӀухошта карагӀдаьннар, вай берригача мехка бахархоша цох доаккхал деш хилар.
ЛаьрххӀача операцен доакъашхой хьаллоацаш, царна новкъостал лоаттадеш хиларах дувцаш, массехк лоархӀамегӀа дола хаттар белгалдаьккхар», - аьлар тхоца къамаьл даьчо.
Шоаш дӀа-юха къасташ, бераша царна тӀадиллар вай бӀухошка салам-моаршал далар.
