Кхераца болх беча хана леладаь тӏоговзанчий гӏирсаш корадир вай археологашта
22.01.2026 09:23
Тхьоврача вай даьша кхераца болх беча хана, из дӏахьокхаш, шоашта беззача тайпара тоабеш леладаь гӏирсаш корадир гӏалай моттигашка къахьегаш боахкача археологашта, Лохера Пхьуй яхача моттиге.
Из хоам «Сердалога» бир цу моттигера. «Кораяь хӏамаш къаьнарча хана лелаяь яле а; талханза, балхаца лелаярах шоай лараш йолаш я. Царга хьежача гуш да, цу ханарча говзанчаша царца дикка къахьийгалга», - йоах тхога бенача хоамо.
Къаьстта терко йир историкаша, из гӏирс хьалоацача моттиге, болх беча хана бераэккхаргбоацаш, ӏочудаьхача харшашта.
