Лохерча Пхьуй ши гӏала тоаяь йоалаш латт
Лоаман Гӏалгӏайче тоаяь йоалаш латт Лохерча Пхьуйна чуйоагӏа ши гӏишло, цига болх беш я «Тӏехьале» яха гӏишлонхой-меттаоттаярхой Ишкола тоаба, яхаш, дийцар «Сердало» газетага цига дакъа лаьцараша.
«Кастлуш говзанчаш дӏаболалургба №4, №5 йолча гӏалашта тховнаш тахка. Уж хьожаш ба халкъашта юкъе меттаоттаяра даькъ тӏа лелабеш болча боарамах из болх бе, хӏара бӏоагӏа ший моттиге бужаш, 28-30 сантиметр шорал долаш хургба. Говзанчаша яхачох, из лаьрхӏа да тӏехьагӏа хьу талхаргйоацаш. Цкъа хьалхагӏа дахчан бӏоагӏашта лаьрххӏа йола молха хьокх, цох наца, кхыйола чоапилг латаргйоацаш, иштта цӏера духьалара маркхал хьокх», - аьлар хоамо.
Белгалду, бӏаьсти гӏишлонхоша хьалъюзаргья тӏошта юкъера моттигаш, кӏир теха кийчбаьча маркхалца, гӏишло чӏоагӏагӏа хилийта деш да из.
