ГӀалгӀай мехкарча СВО бӀухочунна гӀо дир, амал даь валарах дола амар хьаэца
09.07.2025 11:38
«Даьхен лорбой» ганза гӀалгӀай филиала болхлоша новкъостал дир ЛаьрххӀача тӀема операце бӀухочунна Бауленаькъан Темарлана, амал даь валарах дола амар хьалохаш, яхаш, дийцар «Сердало» газетага паччахьалкхен зарбан болх лелабераша.
Хоамо яхачох, тӀемхо шийгара из лаьрххӀа бола соцам хьаэца йиш йолаш хиннавац, цудухьа цо новкъостал дийхар «Даьхен лорбой» ганзагара. Хьалхарча аргӀагӀа говзанчаш болабелар бӀухочун каьхаташ лаха Шолжа, Наьсарен военкоматашкара, цул тӀехьагӀа уж бувзаме баьлар 126-ча полка командираца Гаджиев Руланаца. Цу тайпара, хьа а корадир, хьа а делар.
