ГӏалгӀай мехка 3,5 эзар совгӀа сага «Коталон Диктант» яздир
3,5 эзар совгӀа болча ГӏалгӀайчен бахархоша Сийлахь-боккхача Даьймехка тӀемах лаьца «Коталон Диктант» яздир, халкъашта юкъерча болама чудоагӀаш. Из хилар ерригача республикан 70 моттиге, яхаш, дийцар «Сердало» газетага республикан дешара Министерстве.
Доакъашхошта хьалхашка лаьтта декхар дар, 45 минота 25 хаттара жоп дала дезаш; тӀемца дувзаденнача керттерча хаттараша советски халкъа карагӀдаьнначох дувцар. Болам хетабаь бар Коталон 80 шу дизара, из дӀахьош ба Россе массайолча моттигашка, дунен 90 мехка.
«Коталон Диктанто» новкъостал ду исторически тӀема оагӀонаш дагалоаттае, кагирхошта Даьхенцара безам совбоаккхаш кхетам бала», - аьлар хоамо.
Акци дӀахьош я 2019-ча шера денз хӀара шера, берригача мехка гӀолла дукхагӀа доакъашхой а болаш цу юкъе дакъа лоацаш.
