Боала дахчан ши куб улгаш дихьар бехктокхаме озаргва
10.02.2025 09:49
ГӀаьбартой-Балкхарой мехка вахаш волча, хьалхагӀа суд яь хиннача 37 шу даьннача вахархочун гӀулакх тохкаш ба Наьсарерча прокуратуран болхлой. Из хоам «Сердалога» бир цу моттигера.
«Ӏаьдала болхлоша белгалдечох, 2021-ча шера ахкан бетта, ше хьалхагӀа гӀишлон балхаш деш хиннача шахьарерча ДжабагӀанаькъан цӀерах болча урам тӀа цӀа хьалдеш латтача моттигера хоададанза дола дахчан улгаш дихьад цо ши куб хиллал», - йоах хоамо. Цу хӀаман даьна 70 эзар совгӀа зе даь, лочкъадаь улгаш ийца, къайлаваьннав зуламхо. Магасерча суде тохкаш да из гӀулакх карарча хана.
