ГӏалгӀай мехка суд ергья, ахча лочкъадаьча сага
МагӀалбик-Шахьара прокуратуро ший тохкама болх йистебаьккхар 35 шу даьннача вахархочунна духьала, цо къоал даь хиларах. Цох дегабуам бу тийшаболх баь хилара, шийна вовзаш волча сагагара, цунна дикка зе а деш, цо ахча лочкъадаьд. Из хоам «Сердало» газетага бир цу гӀулакхага хьожаш бараша.
Тохкамхоша яхачох, 2024 шера тов бетта зулам даьчо, ГӏалгӀай Республикан таьрахьий дегӀаахара, промышленноста Министерствон болхло ва ше аьннад. Цо иштта аьннад, ше корта бохабу малара лицензеш хьателаш ва, из дохка бокъо ялара, цу гӀалакха даха дезаш долча каьхатий список хьагойтай. Цо иштта аьннад, цу гӀулакха паччахьалкхен йоал дӀаяла еза 195 эзар сом, ахча а каьхаташ а дӀаийцачул тӀехьагӀа, лицензи хьаяла сагота хиннавац.
Хӏанз уголовни гӀулакх дӀадахьийтад МагӀалбикерча шахьара суде дӀахо тахкара.
