3 000 000 гаргга ахча лочкъадар тӀатетт керттерча бухгалтера
ЖӀайрахьарча хьайбашта хулача лазарашта духьала болх дӀахьоча моттига керттера бухгалтер суда духьалъоттаргва. 3 миллион совгӀа Ӏаьдала ахча даар тӀатетт цунна тахан, иштта 100 миллион ахча бокъо йоацача тайпара тӀера Ӏодаьхад цо. Из хоам «Сердалога» бир Ӏаьдала болхлоша.
38 шу даьннача вахархочунна духьала гӀулакх хьадийллад ЖӀайрахьарча прокуратурас. Ше болх бу моттиг кӀалъувттаеш, Ӏаьдала рузкъа лечкъадар тӀатетт цунна тахан.
2018-ча шергара 2021-ча шерга кхаччалца, нийса доацача каьхаташта кулг яздеш, вӀалла баь боаца болх баьб яхаш, гӀулакхаш леладаьд цо. Тийшача белхаца ахча банковски оагӀон тӀа дӀатӀадоахаш, тӀаккха тӀера Ӏодоахаш. Ше болх беча моттига 3 миллион гаргга зе даьд цо.
Цул совгӀа, 2020-ча шера из болх чакхбаккхарах хӀама хьаэцаш, коммерчески моттигашка гӀолла 100 миллион ахча арадаьккхад цо. ЖӀайрахьарча кхален судо тохкам беш латт цу гӀулакха дӀахо.
