900 эзар сом мах бола лаьтта ший доаладерзадаьд хьаким йолча кхалсага
18.06.2025 15:39
Мужеча администраце болхло хиннача кхалсага гӀулакхага хьожаш хилар тохкама оагӀон болхлой. Ше балха йолча моттиге бокъо йоацараш кхостадарца дувзаденна гӀулакх да, цунна Ӏаьдало тӀатетташ. Из хоам «Сердалога» бир цу моттигера.
Тохкама болхлоша белгалдечох, 2014-ча шерарча Ӏан шоллагӀча бетта, администраце гӀулакхаш леладеча оагӀон кулгал деш йолаш, нийса боаца болх вӀашагӀбеллаб цо каьхаташца. Юртарча кхалсага доалахьа лаьттан доазув дерзадеш, чӀоагӀдаьд цо каьхаташца, 1000 кв метр дола лаьтта цун долаш санна.
900 эзар сома зе даьд цо юртарча администрацена, из харцахьа бола болх чакхбаьккха. Цунна духьала хьадийлла гӀулакх суде чуденнад.
