ТӀем тӀа лаьттарий, царна гӀо деш къахьийгарий цӀераш йицлуц
ТӀема аренашка моастагӀчун наькъаш тедаш, вай лаьттара цун лар хоадаеш лаьттараш хӀара шера кӀезигагӀа хулаш латт берригача мехка.
Дега хала хет! ТӀема исторе оагӀонаш довзаш, хьанца дувцаргда цу деноех лаьца? МагӀалбикера моастагӀа вохавеш лаьттараш, царна гӀо деш хиннараш болча баха хилар Наьсарерча администраце болхлой.
Царна юкъе вар ТӀой-Юрта ваха Дзовранаькъан Мади, Дударанаькъан Ювсап. РФ Президента уж нах даькъалабувцаш дайта каьхаташ, грамоташ дӀаенна, царца къамаьл деш багӀаш ха яьккхар цар.
Кхача чубола тускараш денадар царна: хьоар, дуга, сула (гречка), гарзаш, даьтта, шекар, чай, печенеш, конфеташ.
«Ветеранашта тахан эшар, доацар фуд тохкаш; къамаьл дир бахараша. Царна малагӀа тайпара молхаш еза хьежар уж. ЧӀоагӀа дог тохадолийташ дар тӀема аренашка хиннача къематах цар дийцар.
Иштта йола кхетаченаш Наьсарен кхале массаза дӀакхухьаш я, беркате Ӏадат хинна. ТӀема хало текхараш лархӀа, царна мел дезача хӀаманга хьажа декхарийла да вай тахан, къонача тӀехьенна масал да цар чакхбаьккха никъ», - дийцар тха газетага Наьсарен кхале.
