Каратэх йолча чемпионате котало яьккхар СВО доакъашхой бераша
27.01.2025 09:11
Кекусинкай каратэх йолча чемпионате котало яьккхар тӀема операцен доакъашхой бераша. Из хоам «Сердалога» бир «Даьхен лорбой» яхача ганза республикерча филиала болхлоша.
«Наьсарерча № 12 йолча ишколе дӀабихьар из къовсам. Кхувш латтарашта юкъе кекусинкай йоаржаяра, спорт хьаллацара тӀехьа дӀахьош яр из яхь. Филиало даим теркам беш кхуврашта юкъера белгалваьннараш ворхӀ саг вар. Уж бар Беканаькъан Самира, Курскенаькъан Мухьмад, Темарханаькъан Ахьмад, Ноакастхой Амир, БӀарахой Багдан, Темарханаькъан Ӏиса, Хамченаькъан Ислам», - йоах тхогарча хоамо.
