Цахаддаш долча дешара Центрерча берашта совгӀаташ делар
28.12.2024 10:05
Кердача шера цӀай хьатӀадоагӀаш, ГӏалгӀай Республикан кулгалхочун Келаматанаькъан Махьмуд-Ӏаьлан амарах, мерзача хӀамай совгӀаташ делар, Даби-Юртарча могашал яйнача берий цахаддаш долча дешара Центра, яхаш, дийцар «Сердало» газетага из болх вӀашагӀбеллараша.
«Из дика гӀулакх дӀадихьар ва ГӏалгӀай Республикан ДНР, ЛНР, Запорожски, Херсонски областашкара викал Фаргаьнаькъан Тамерлан, цун новкъостал деш хилар СКФО викала гӀонча Фарганаькъан Мовсар, Халкъа Гуллама депутата гӀонча Мамилганаькъан Ӏаддал-Мажит», - аьлар газетага.
Цу Центре бахар лоархӀаме дар юкъарлон болхлошта, хӀана аьлча берашта совгӀаташ далар, цар дог гӀоздаккхар ца хилча даргдоацарех да.
