СВО доакъашхой бераш футболах йола шоай говзал гойташ да
03.07.2025 11:24
Футболах йола шоай говзал гойташ дар СВО доакъашхой бераш спортивни яхье. Из хоам «Сердалога» бир «Даьхен лорбой» яхача ганза филиала кулгалхочун гӀонча йолча Джанхотанаькъан Мадинас.
Шолжа шахьарерча Дьякова цӀерах йолча стадиона тӀа дӀайихьар яхь. Ше-ше чемпион хила гӀерташ чӀоагӀа кадай бар кагирхой. Ловзара тӀахьожаш хиннача ганза болхлочо ГӀаппархой Мухьмад-Башира белгалдечох, берригаш раьза болаш дӀадахар вӀашагӀкхетар.
«СВО доакъашхой бераша тахан хьахьекхар, мел хала ха хиларах, дегагӀоз хургйола хӀама лохаш, спортацара бувзам чӀоагӀбеш, вӀаший бартаца долаш дӀадаха йиш йолга», - дийцар тха газетага цу моттигера.
