СВО доакъашхой бераш шоай лоӀамеча латарах йолча яхьашка белгалдаьлар
08.02.2025 14:12
Укх деношка, Шолжерча физкультурно-унахцӀенон комплексе яхьаш дӀайихьар шоай лоӀамеча латарах, ЛаьрххӀача тӀема операце доакъашхой берашта юкъе, яхаш, дийцар «Сердало» газетага, ГӏалгӀай Республикан «Даьхен Лорбой» ганза зарбан болх лелабераша.
«Кхетаче вӀашагӀъеллаяр ганза социальни болх лелабеча Новрбенаькъан Мухьмада, спортивни урхаллен кулгалхоша, иштта Ӏарпенаькъан Ислама хьаллоацаш. Доакъашхоех хӀаравар къонача латархошта новкъостал де кийча вар. Уж бар лакха толам баккхара тӀакхувш», - аьлар хоамо.
Белгалду, хьалха «Сердало» газето яздаьдар, «Даьхен лорбой» ганза дагадохарах, Шолже «Безаме вадар» дӀадихьар эггара зӀамагӀчарна лаьрхӀа.
