Шапито-цирке моттигаш елар СВО бӀухой берашта
09.06.2025 11:42
Украинерча тӀема операце бӀухой берашта дезараш лорадар лоархӀамеча моттиге латт тахан, «Даьхен лорбой» яхача ганза филиала болхлошта.
«София» шапито-циркага хьажа моттигаш вӀаштӀехьаяьхар Даьхен гӀулакха арабаьннарий берашта.
«Шолжа-Шахьарерча цирке берашца дакъа лоацаш хилар ганза болхлой а. Цирка администрацега дехар даь, бӀухой берашта мах боацаш моттигаш вӀаштӀехьаяьхар цар. Бераш чӀоагӀа цецдаьнна дар тайп-тайпарча оакхараша, акробаташа, жуккаргаша гойтачох», - дийцар тхога.
Ганза болхлоша белгалдир, ишттача моттигашка дӀа-хьа кхувларо, даьй тӀема аренашка леларо саготдеча берий дегай хьал кӀеззига аттачахьа доаккхилга. Шоаш дагабоахкилга, шоашта гӀо де кийча болга хоалу царна.
