Танкистий Денна хетаяь экскурси дӏайихьар, СВО бӏухой берашца
15.09.2025 09:34
Тӏема операце доакъашхой берашта лаьрхӏа экскурси дӏайихьар мехка «Даьхен лорабой» яхача ганза филиала болхлоша. Танкистий Денна хетаяь яр экскурси. «Сердалога» из хоам цу моттигера бир.
«Дагалоаттама, сийлен Мемориале гӏолла го баьккхар бераша салоӏача дийнахьа. Танкови эскарах дийцар царна ганза болхлочо, иштта вай къаман къонгаша гойтача майралах. Танкашца моастагӏчунна духьала тӏом беш хиннача бӏухой истори дайзар къонача тӏехьенна», - дийцар тха газетага.
Кхетачен керттера декхар - фашист ший низах вохавеш, вай танкисташа котало гаргайоалаеш дӏабихьа тӏема никъ къонабарашта бовзийтар. Из ди берашта дагалаттаргда, лоархӏаме да берашта Даьхен моттиг лораеш лаьттарий истори довзийтар.
