Республикерча 63 моттиге, фашист вай эшаварах лаьца, диктант яздергда
Боккхача тӀема юкъе фашистагара вай котало яккхарах дола 6-гӀа, къамашта юкъера «Коталон диктант» язергда укх бетта 26-ча дийнахьа. 63 моттиге яздергда бахархоша, фашист вохаварах дола бакъдар. Из хоам «Сердалога» бир Мехкадаь зарбан болх лелабераша.
«Цу оагӀонцара ший кхетам миштаб харал совгӀа, коталон ди гаргадоаладеш лаьттарий цӀераш йиц ца е эшаш гӀулакх да из. Боккхача тӀема юкъе фашист вохавеш, вай лаьтташкара эккхавеш, лаьттарий цӀераш вай цӀаккха а йицъе йиш яц, тӀехьенгара тӀехьенга телаш дӀадахьа деза доккха истори да из», - белгалдир вай мехкадас Келаматанаькъан Махьмуд-Ӏаьлас, цу гӀулакхах дувцаш.
Боккхача мехка дахача къамий тӀема ханацара кхетам лакхбергба цу диктанта. ВӀалла а дицде бокъо йоацача деноех, шийна фу хов кхетадергда хӀаране. Республикерча тайп-тайпарча моттигашка яздергда диктант: дешара моттигашка, музеяшка, паччахьалкхен болхлоша.
Болама керттердар - Даьхе езаш хилар, цун истореца дувзаденнараш цӀаккха дег чура дӀа ца далийтар.
