СВО ветеранашца кхетаче хилар, Илдарха-ГӀалий тӀарча гимназе
30.04.2025 13:08
«Даьхен гӀулакха латтар» яха проект хьаллоацаш, СВО ветеранашца кхетаче дӀайихьар шахьарерча № 1 йолча гимназе. Даьхен гӀулакха арабаьнна латтача вай бӀухоша гойтача деналах, майралах дийцар гулбеннараша.
Дешархошца къамаьл де гимназе баьхкараш бар тӀема операце доакъашхой Темарханаькъан Ӏамархан, Маматанаькъан Муса, ГӀаьнажанаькъан Хьасан, «Къонача эскара» кулгалхо Бохтаранаькъан Мадина. Из хоам «Сердалога» бир мэре.
ТӀема аренашка цхьана лелача бӀухошта юкъе хила безача бувзамах, тахан Даьхен гӀулакх хьаллоацаш цар дӀахьош болча наькъах, Даьхе яха дош хӀара сага дег чу боча хила дезилгах дийцар къонача тӀехьенга, иштта тӀема операцена юкъе болаш шоай вахаре нийсденна цхьацца гӀулакхаш довзийтар цар.
