ГӏалгӀайчен хьехархошта Магаса дешара центре говзанчий хьехамаш дир
Хьехархочун Ди долаш, республикански «Кванториум» яхача берий технопарке говзанчий хьехамаш дӀадихьар Магас шахьара дешара Центра хьехархошца, яхаш, хоам бу «Сердало» газетага цигарча администратора МутаӀаланаькъан Мадинас.
Технопарке Ӏомалуш волча Абаьданаькъан Юсуфа хьалхадаьккхар хьехархошта робототехникаца мишта болх бе беза, из бахьан долаш, цар таро хилар бокъонца болча моарзагӏа хьисапе гӏирс вӀашагӀболла, цул тӀехьагӀа яхьаш дӀахьош из миштаб а хьежар. Царна хьалхашка оттадаь декхар дар, массарел сихагӀа эггара йоккхагӀа йола гӀала хьалъяр, шоай гӀирса новкъосталца.
Графически дизайнах говзанча хьехам дӀахьош Налганаькъан Темирхана хьехархошта гойтар дизайна керттердараш, иштта чоалхане йола оагӀонаш а. ШоллагӀча тоабо хьалхара графически макеташ хьакхеллар.
Кхетаче чакхйоалаш массаболча доакъашхошта совгӀаташ делар, технопарка цехе хьадаь.
