«Даьхен лорбой» яхача ганзои Росгвардеи бувзам чӀоагӀбир
«Даьхен лорбой» яхача ганзои Росгвардеи вӀаший бувзам чӀоагӀбир. Цхьана болх дӀахьош, цар къахьегаргда кхувш латта тӀехье Даьхе езача наькъ тӀа кхееш, тӀема операцен юкъе вахар хаьдарий дезалашта гӀо лоаттадеш, цар хьашташ кхоачашдеш. Бувзам чӀоагӀбеш долча каьхата кулг яздеш хилар республикерча Росгварде оагӀонна кулгал деш вола полице инарал-майор Буружанаькъан Микаил, «Даьхен лорбой» яхача ганза моттигерча филиала хьалхалатта Оздой Муслим.
«Кхетаче дийцар Донбассе дӀахьоча тӀема операцен юкъе дакъа лоацача вай бӀухоех, иштта цига хиннача ветеранашта балха моттигаш лахара тӀехьа гӀо дарах. Лакхача боараме из болх дӀахьош, тӀема доакъашхошта массахана терко еш, къахьегарах дийцар хьакимаша», - хоам бир «Сердало» газетага «Даьхен лорбой» яхача ганза филиало.
