«Даьхен Лорбой» ганзо новкъостал дир, СВО доакъашхочун зӀамагӀа волча вешийна
ГӀалгӀайчен «Даьхен Лорбой» яхача ганза филиала терко ца еш дитанзар СВО доакъашхочун наьна, Пхьилекъонгий-Юрта яхача Хьаьшанаькъан Людмилай дехар. Ший зӀамагӀа вола воӀ деша оттаварца дувзаденна цун дехар кхоачашде лаьрхӀар ганза болх лелабеш волча Хидиранаькъан Ювсапа.
«Ювсапа цкъа даь Ӏийнадац цу тайпара гӀо, шийгара саг деша оттаве аьнна дийхачунна. Укх наькъа цо сиха кийчдир Наьсарен политехнически колледже деша оттара эшаш дола каьхаташ. СВО доакъашхочун воша хӀанз деша вагӀаш ва юридически факультете. Из очно оалача бюджетни отделене дешаш ва», - аьлар «Сердало» газетага «Даьхен Лорбой» ганза филиале.
Хьаьшанаькъан Людмилас дег чура баркал аьлар, дукхача хана денз дагадоаллаш хинна дешар деша ший виӀий таро хиларах.
ХӀанз деррига а цу зӀамсагах тийша да, ший воккхагӀа волча вешийна нийсса хилара тӀакхувш из хургва аьнна хет.
