Вайцига хургья гӀалгӀай оазархочун кхоллама сайре
19.11.2024 11:05
Ер бутт чакхбоалаш, ГӏалгӀайче дӀахьоргья оазархочун СапарӀаланаькъан Микаила кхоллама сайре,яхаш, дийцар «Сердало» газетага из кхетаче вӀашагӀйоллараша.
«Лайчилла бетта 28-ча дийнахьа культуран дегӀаахара Центре дӀахьоча кхетачене вайна хозаргья СапарӀаланаькъан Микаила язъяь байташ, таржамаш даь мугӀараш, иллеш.
Цига дакъа лоацаш хургба БӀарахой Люба, Охценаькъан Роза, Эккажанаькъан Марина, Ахматова Лиза», - дийцар газетага.
Ше къона вар аьнна доацаш, Микаила кхоллам безаш а нах корабу. Поэт болх беш ва философе, Ӏалама, безама чулоацам бола йоазош кхоллаш. Цо яздаьд («Ткъаь кхойтта») яха книжка, цул совгӀа, байташ тӀайола кхыдола книжкаш а арадаьннад цун.
