«Къонабарий мохк» яхача программе дехар чудала кийчлуш я вай республика
Республикерча кагирхой моттигашта «Къонабарий мохк» яхача программа проект кийчъеш ба мехка. Форсайт-сесси дӀахьоча кагирхой ЦӀенна кулгалдеш волча Ведажанаькъан Заурбека дийцар, шоай тоабо дӀабахьа лерхӀача балхах. Из хоам «Сердалога» бир къахьегама гӀулакхех йолча министерстве.
«Магасе гулбелар юкъара болх бераш, студенташ, пхьараш, журналисташ, иштта кхыбола болхлой. Цар хиннача кхетачен доакъашхоша дехара юкъе чуоттадича бакъахьа хургдарех дийцар цига. Нагахьа тӀахьожама болхлоша деррига могийташ хуле, 2026-ча шера вай республике йоаржаергья проект», - дийцар тха газетага. Дикка доаржадеш дийцар кагирхоша болх бе керда моттигаш Ӏалашъярах, иштта дешара оагӀонца, кагирхой вахаре лоархӀаме дараш юкъедоаладарах.
«ХӀама тоадергдараш юкъелаца деза вай, хӀаьта кагирхой моттигаш цу гӀулакхе гӀо деш хила еза», - белгалдир кагирхой политикахи туризмахи йолча министерствон хьалхалаттача Малсаганаькъан Адама.
