ГӏалгӀай мехка кийчлуш ба, юртбоахама техника кердаяккха
ГӏалгӀайчен юртбоахама Министерстве кхетаче хилар республикан юртбоахама, кхачан министра Гаьгенаькъан Мухьмада, «РесурсАгроСтрой» ООО кулгалхочунца, лаьттан балхаш леладара йола техника лоаттаеш волча Решетников Дмитреца, йоах, боахама зарбан болх лелабераша.
Укхаза дийцар керттера хаттар,-ГӏалгӀайчен АПК эшаш долча хьалашта лаьрхӀа таханарча заман машинаш лоаттаяр.
«РесурАгроСтрой» кулгалхочо гойтар техникан ассортимент, таханарча дено дӀадеххача тайпара хьаяь йолча. Юртбоахама балха овсарле хургйолаш, дӀахо республикан лаьттан оагӀув дегӀайоагӀаргйолаш - из цу даькъ тӀа накъайоалаш я.
«Тхо хьож тхоай фермерашта эшачунца Ӏалашо е, хьабеча балха дикал лакхагӀа хилийта; республикан юртбоахама даькъ тӀа дика толамаш дахара», - аьлар кхетаче чакхйоалаш Гаьгенаькъан Мухьмада.
