Цӏерах нах кӏалхарбоахача спортах, республикан хьалхале къовса кийчлуш ба мехка
29.09.2025 11:34
Вай мехкара МЧС керттерча моттиге кийчо еш ба, цӏи яьлча гӏо дарах йолча спорта яхьаш дӏаяхьа. Россе МЧС 35 шу дизара хетаяь я уж яхьаш. «Сердалога» из хоам бир цу гӏулакхах болча оагӏон хьалха латтача Могушканаькъан Ахьмада.
«Ер тӏехьара денош кийчо еш дӏахьош ба тоабай доакъашхой. Лакха начӏал дола тренераш юкъебаьха, кулгашца сиха болх бе, кадай хила ӏомабеш ба къонабараш»,- дийцар тха газетага.
Илдарха-Гӏалий тӏа дӏахьоргья яхьаш 14 шу даьннарашта, царел зӏамагӏбарашта юкъе, 2009-2010-ча шерашкарча кагирхошта, 17-18 шераш даьннарашта, 19 шерал боккхагӏа барашта юкъе. Программа юкъе да штурмовой лагӏаш тӏа гӏолла урагӏвахар, 100 метрага кхоачача доазон тӏа болх дӏабахьар, геттара сиха, кадай хилар цу гӏулакхашка.
