ЦӀерца дувзаденнача хатарашта духьала, кийчо еш ба республике
23.04.2024 09:09
ЦӀерца дувзаденнача хатарашта духьалара кийчо еш ба МагӀалбика кхале. ЦӀи яьнна хатар хуле, из дӀа-хьа яржаргйоацаш аьха Ӏодиллад Долакоара лаьтта. Кхален кулгал деча Къоастой Ӏаддал-Хьамида тӀадилларах, дӀахьош болх ба из. ЙӀовхал хьаэттача ювлаш йолча цӀера духьала кийчо яь хила еза.
«Йокъаенна латта баьцаш лотаенна хатар хуле, лаьтта оахаш дӀабихьача балхо дӀа-хьа яржийтаргьяц из», - дийцар «Сердало» газетага администраце. Шоай доалахьа лаьтташ долча нахаца цу мугӀарера болх дӀакхухь йӀовхал хьаоттарца.
Йокъаенна баьцаш летаеш дола гӀулакх дита, яхаш, кхайкарал ду бахархошка бӀаьстан денош хьаэттача дийнахьа денз. Дуккха моттигаш я, цӀи дӀа-хьа яхе, цӀеношта дӀатӀаювлаш. Боккъал а фийла, уйла еш хила!
