ЦӀий мишта дӀадала деза Ӏомалургба вайцига
04.07.2024 16:05
Карарча хана, «ГӀалгӀай Республикан дикача наьха клуб» яха ганз кийчлуш я, цӀий а тӀехка тӀум а дӀа мишта лу дувца; из хургда мехка столице хьатӀадоагӀача шоатта дийнахьа, яхаш, дийцар «Сердало» газетага ганза викалаша.
«Цу лоархӀамеча къамаьла юкъе, наха довзаргда, цӀий а из дӀачутелачар мазаш а дӀадалара болх дӀа мишта хьу, иштта царна хьалхадоаккхаргда из дӀадалалехь а дӀаденначул тӀехьагӀа а де дезар фуд.
Къамаьл дӀахьош хьаийца пайда накъабаргба тематически ловзарашка, царна юкъе дакъа лоацаш хургва безам болаш мел вар», - йоах хоамо.
