Наьсаре-Шолжа-Шахьар яхача наькъа дакъа тоадеш боахк тахан
25.03.2025 09:41
5, 75 км кхоачаш дола Наьсаре-Шолжа-Шахьар яхача наькъа дакъа тоадеш боахк мехка. Беркатеча къаман проектага гӀолла дӀахьош ба из болх. Из хоам «Сердалога» бир наькъийи машинийи гӀулакхех йолча министерствос.
Карарча хана асфальт дӀашаьрбеш, гӀашлой наькъа доазув тоадеш боахк цига.
«Къахьегама тоабаш хьинаре болх дӀахьош я. Йиллача ханал хьалха йистедала мегаш да тхо», - белгалдир министерстве.
