Республике дарз делх
21.10.2024 09:51
Гуйран шоллагӀа бутт чакхбала боаллача хана, доладеннад наб тӀагӀартийташ дола дарз. Къаман юкъе, тӀаьда догӀа оал зӀамигача тӀадамилгех латтача цох, тхьовра денз.
ГӀаьнаш легаш, Ӏуйран дохк латташ, хоалуш шелал отташ ха я ер. Ӏо ца легаш диса бӀараш, чӀоагӀъенна яьлла хьайба легаю михо. Боад къовлабелча, дуккхача кагийча тӀадамилгаша наькъашкара хӀама дика гойташ хилац машинаца воагӀачунна, цудухьа чӀоагӀа фийла хила веза, иштта хаоттам латтача хана.
ХӀаьта байтанчанна, сурташ дехкарашта эггара хозагӀа хета, уйла дикагӀа яйта ха лоархӀ укхох. Оалаш да-кх, дарз делхача хана, дика гӀанаш гу аьле.
