Интернете гӀолла 180 эзар сом лочкъадаь зуламхо лохаш да Ӏаьдал
10.03.2025 12:14
«Газ Счёт» яхача оагӀонга гӀолла ахча даккха йиш я, аьнна, Ӏехаваьв вай мехкахо интернетерча зуламхочо. 180 эзар сом ахча дӀадахьийтачул тӀехьагӀа, зуламхо вайна дӀаваьннав.
«Сердалога» из хоам бир Ӏаьдала болхлоша. Полице болхлой зуламхо лохаш ба.
ХӀара денна хьакхайкадеш латт МВД болхлоша; боккъал а лорале, бовзаш боацача нахаца бувзаме дувлаш, базар лелаеш шоаш Ӏеха ма дайта, яхаш! Оашош леладеча хӀаман уйла еш хила, цхьаккха сага ахча дӀатӀа ма ахийта, шоай карта номераш дӀа ма ювца!
