Дешара хьал тоадарах дийцар вай мехка
РФ Минпросвещене гӀулакх доаржадарах йолча Департамента хьалха латтача Шварцман Иринас кулгал деш, ВКС оагӀонца дӀайихьача кхетаче дакъа лаьцар вай дешареи Ӏилмани гӀулакхех йолча министерствон болхлоша. Дешара хьал тоадарах йолча программех дийцар кхетаче. Керда программаш йоаржаеш хилча, нийслушдараш теркалдир кхетаче.
«Мехка программаш йоаржаяра тӀехьа боаггӀача боараме, ханнахьа болх дӀабахьара гӀо деш я кхетаче», - дийцар «Сердалога» министерствон болхлоша.
ВӀашагӀкхетаре дийцар дешара хьал тоадара керттердарех, тайп-тайпара программаш йоаржаеча республикан ганзера рузкъа нийса дӀадахийтарах.
Кхетаче гулбеннарашта дайзар таханарча дешара оагӀон хьал малагӀча боарам тӀа латт, иштта духьала нийслу кхоачамбоацараш мишта юстардаха деза. Дешара гӀулакх тоалургдолаш, юкъедаха дезараш белгалдир кхетаче.
