Къаьстта теркам бу вай мехка тӀема доакъашхой дезалашта
25.07.2024 09:53
ТӀема операцен доакъашхой дезалашта мел эшача хӀаманга хьожаш, царна гӀо деш я паччахьалкхе. «Даьхен Лорбой» яхача ганза моттигерча филиала болхло йола Къоастой Ева тӀема доакъашхой бераш деша дӀаоттаде гӀо дара оарцагӀъяьлар.
«Республикерча паччахьалкхен университета ректорца дийца, тӀема операцен юкъе дакъа лоацаш волча Бохтаранаькъан Ӏусмана ши йоӀ деша оттае аьттув баьлар. ЙоккхагӀа йолча Раянас филологически факультет хержар, хӀаьта Амина лорий гӀулакх Ӏомадеш хургья. Цар наьна Поаланкой Каметай дехар дизза кхоачашдир тахан», - дийцар «Сердалога» «Даьхен Лорбой» яхача ганза филиала болхлоша.
Пхи бер кхедеш бола цар дезал Ӏалий-Юрта бах.
