ТӀема операцен доакъашхочунна хий чудиллар
31.10.2024 09:56
ТӀема операцен доакъашхой цӀагӀарча, гаргарча наха эшачунга хьожаш; теркам бу вай республике. Иштта укх деношка, бӀухочун цӀенна 550 метр гаьнара хий дӀатӀахьош баьхкар болхлой. Из хоам «Сердалога» бир «Даьхен лорбой» яхача ганза филиала болхлоша.
«Ганза болхло волча Коазой Хьамида шахьарера мэри оарцагӀъяьккхар цу гӀулакха. Йоккха юкъ ялалехь, А. Марема цӀагӀара гӀулакхаш аттачахьа доахаш, коа хий хилар», - йоах тхогарча хоамо.
Марема воӀ тахан тӀема операцен юкъе Даьхе лораеш латт. Майрал, денал гойташ, ший декхараш кхоачашдеш волча вай мехкахочунна Жукова цӀерах йола майдилг еннай.
