Гӏалгӏай мехка тӏахьожам лоаттабу, кхачан маьхаш лакхдара
Гӏалгӏай мехка дӏахьош ба кхачан маьхаш лакхдара тӏахьожам лоаттабу болх, ца доагӏача боараме уж тӏадеттаргдоацаш. Хӏара денна цу тайпара болх дӏахьош хиларах, базарашкара из хьал нийса лоаттаде таро хул, яхаш, дийцар, республикан Кулгалхочун, Паччахьалкхен зарбан болх лелабераша.
Дӏадахача шера хинначунга хьежача, маьхаш лакхдалара хьал хувцаденна хилар гуш да, къаьстта шуранна а хьоарах даьча даараштаа мах тӏакхийттаб. Иштта дале а, массайолча оагӏорахьара из хьал нийса лоаттадеш хиларах, из теркама юкъе да даим.
Белгалду, карарча шера маьтсела бетта бартчӏоагӏонна кулг яздаьд, мах беча итташ долча доккхача доакъош тӏа маьхаш цхьаннахьа латтаргдолаш. Республике иштта доккха дегӏадена мах бара дола дакъа да: 12 хӏама йохкара базар, 8 ярмарка, уж бахьан долаш нахага дӏакхоач даараш.
Цул совгӏа, доал деча даькъ тӏа а терко лоаттаю хӏама йохкарашта моттиг ӏалашъеш. Из доацаш а, йоккхача кхалешка хьакъоастаяь я юртбоахама кхачан даараш дохкара йола майдаш, цига каст-каста дӏахьу ярмаркаш.
«Мехка Паччахьалкхено соцам тӏаийцаб, наха кхача лоаттабар тоадеш, кхы тӏа а мах бу моттигаш кхолларах. Дӏахо кхачан маьхаш меттадоагӏаргда, республике арахеца а белггаларча наха хьабеча а кхачан тӏагӏолла», - аьлар Гӏалгӏайчен Кулгалхочо Келаматанаькъан Махьмуд-ӏаьлас ший бувзама оагӏонашка.
Цул совгӏа, цо аьлар, ӏаьдало бизнес хьаллоац, из къайлагӏа йолчара гучайоаккхаш, иштта болх дӏахьош ба кхачан кхерамзлен ӏалашо ераш, республикан бахархошка из дӏакхачийта дагахьа.
