ГӏалгӀайче хоза накъагӀоргья тушола бетта 8-ча денна
Дунен халкъашта юкъера кхалнаьха цӀай тушола бетта 8-гӀа ди долаш, тайп-тайпара кхетаченаш дӀахьоргья, яхаш, дийцар «Сердало» газетага ГӏалгӀай Республикан культуран Министерствон хоамий отдела кулгалхочо Хазанаькъан Хатимата.
Программа чуйоагӀаш я 10 совгӀа моттиг. Тушола бетта 6-ча дийнахьа Лохерча Ачалкхе «ОВЗ лазар долча берий цахадаш долча дешара центре», дешархошта лаьрхӀа «Бӏаьстан хозале» яха гойтам дӀахьоргба.
ШоллагӀча дийнахьа, МагӀалбика-Шахьара берий ашарий ишколо гӀадбугаргба мехка бахархой а хьаьший а Халкъашта юкъерча кхалнаьха денна хетадаьча концертаца.
Шоатта дийнахьа культура езараш хьажа йиш йолаш ба; книжкашца кийчбаьча «Деррига а - цхьанкхеташ, деррига а - цецвоаккхаш!» яхача гойтамга, из дӀахьоргба Янданаькъан Жамалда цӀерагӀча къаман библиотеке.
