СВО веннача бIухочун нанна лорий новкъостал дир
24.10.2025 09:34
ЛаьрххIа йола тIема операци дIахьош веннача бIухочун нанна новкъостал дир сиха ЖIайрахьа кхален дарбанче Iо а южаяь дарба де, яхаш, дийцар «Сердало» газетага «Даьхен лорабой» ганза кулгалхочун нахаца бувзам лелабара йолча гIончас Джанхотанаькъан Мадинас.
«Турпал волаш тIем тIа веннача бIухочун Келиганаькъан Ахьмада нана сиха лорий новкъостал эшаш яр. Мухтара Эсет ший воI валар хинна а ца Iеш, кхыдола хронически лазараш хиларах могашал ийша яр. Цу хьакъехьа дехар дир цо ганза болхлошка, цудухьа цар а шоай аргIагIа из сиха дарба де аьнна Iоюжайир ЖIайрахьа кхален дарбанче», - аьлар хоамо.
