Пхи бер долча нанна, пособи хьаэца гӀо дир республике
20.05.2025 12:17
ХӀара бетта Ӏаьдало берашта телаш дола ахча хьаэца гӀо дир сага бокъонех волча викала, пхи бер кхедеш йолча нанна. Из хоам «Сердалога» бир цу моттигера.
Из ахча хьона дагӀац яхаш хьадала цатигара тӀагӀолла, УПЧ фусаме латкъа ера кхалсаг.
«Чуденнача каьхаташ тӀа цхьацца кхоачамбоацараш да йоах сога, бакъда хӀанзалца из хӀама нийсденнадац сона, берий ахча ханнахьа хьаихад», - яздора кхалсага ший каьхата тӀа.
УПЧ белгалдечох, сага бокъонех волча викала Россе Вахара ганза болхлой оарцагӀбаьха, 100% хӀара бера долаш, ахча хьадоладеннад, 16 эзар 169 сом ахча да из.
