ТӀема операце доакъашхочун нанна, дарба де гӀо дир вай мехка
01.10.2024 12:15
Дарбанче Ӏойижа, ший дегӀа могашал меттаоттае гӀо дир тӀема операце доакъашхочун нанна «Даьхен лорбой» яхача ганза республикерча филиала болхлоша. Из хоам «Сердалога» бир цу моттигера.
«Цхьан юкъа салаӀа, аьнна, Украинера цӀавенача Орцханаькъан Хамберда ганза болхлошка дехар дир; кхален дарбанче Ӏойижа, дикка дарба де гӀо де ший нанна, аьнна.
Вахара дешашка хьожаш йола Беканаькъан Мадина оарцагӀъяьлар цар хьашташ кхоачашде. Дарбанченца бувзаме яьнна, деррига вӀаштӀехьадаьккхар цо. Карарча хана ший дегӀа могашал меттаоттаеш я Магаса яхархо.
