ТӀема доакъашхочун нанна, дарба деш, гӀо дир
14.10.2024 14:57
ТӀема операце доакъашхочун нанна мел эша молха Ӏалашйир республике. Из хоам «Сердалога» бир «Даьхен лорбой» яхача ганза болхлоша.
«Новкъостал доацаш, лела могаш яц инсульт хинна Мужечара яхархо. ТӀема операце доакъашхочун йишас дехар даь, лелалуш боацача наьха вордингаш, молхаш, иштта кхыдараш Ӏалашдаьд ганза болхлоша. Цул совгӀа, кастта ший могашал кхы тӀа чӀоагӀъеш хургья из Нохчий мехка», - йоах хоамо.
