ГӀажарий-Юртарча СВО ветерана нанна, дарба де новкъостал дир
26.05.2025 10:30
«Даьхен лорбой» ГӀалгӀайчен ганза филиало новкъостал дир ЛаьрххӀача тӀема операце ветерана, ГӀажарий-Юртарча ГӀанажанаькъан Мухьмада нанна дарба де.
Ганза болхлоша яхачох, лаьрххӀача операце ветерана, хӀанз цӀавенача бӀухочо дехар дир дукха хронически лазараш дола ший нана дарба де яхийта, аьнна. ЖӀайрахьарча дарбанче из дӀахьожаяр ловш вар из.
Лоаццача хана из дош кхоачашдир дикача боараме. БӀухочун нанна доагӀаш дола дарба хьожадир, лорашка чакхъяьккхачул тӀехьагӀа.
