Да тӀавоацаш, дезал кхоабаш багӀача ноаношта, гӀо дир вай мехка
04.03.2025 10:36
Да тӀавоацаш, дезал кхоабаш болча 20 совгӀа вай мехкарча кхалсага, кхачан тӀормигаш дӀадийкъар «Къахетамеча наьха клуб» яхача гӀо деш болча оагӀоно. Из хоам «Сердалога» бир цу гӀулакха хьалхаэттараша.
«Халача хьале болча вай мехкарча кхалнаха новкъостал де хьожаш хьабоагӀа цу оагӀон болхлой. Да тӀавоацаш бераш кхоабарашта санна, цӀагӀа халача лазарах могаш доаца бераш дарашта а дийкъар цар тӀормигаш», - дийцар тха газетага.
«Доккха деце а, лоархӀаме долча цу хӀамаша дикка оагӀув хьаллоац аттача хьале боацача вай кхалнаьха», - белгалдир ганза кулгал деча Матенаькъан Натас.
