Пособеца куташ лелаярах, бехктокхаме озаш я мехкахо
16.09.2025 10:11
Пособеца куташ лелаяр тӏатетташ да тахан Буро кӏалхарча 43 шу даьннача кхалсага. Из хоам «Сердалога» бир ӏаьдала болхлоша.
«Тохкама болхлоша белгалдечох, Чукотски автономни куран тӏа яхаш я, аьнна, каьхаташ вӏаштӏехьадаьхад цо берашта геттара лакха пособи ийдергдолаш», - йоах тхогарча хоамо.
Ше а бераш а Чукотке цӏаккха дахаш хиннадоаццашехь, цигарча адресах каьхаташ чуденнад цо берашта пособи ийде. 1,4 миллион сом совгӏа ахча да цо бокъо йоацаш хьаийдаьр.
Из гӏулакх дӏахо тохкаш да ӏаьдал, мехкара араяла йиш йоацаш, бокъо йийхкай цунна.
