«Дукха хьем ца беш, лаьтта леладара бокъонаш дӀаелар кхаь бӀухочун дезалашта. Хьалхарча аргӀагӀа лаьтта делар Эккажкъонгий-Юртарча Б. Аюпа боккхача дезала. ХӀанз укх сахьате цу дезала да лаьрххӀача операце дакъа лоацаш ва. ХӀаьта дукхача ханашка сатийса цӀа цо хьалде лаьрхӀад, юха ше мехка ваьнначул тӀехьагӀа.

Ший хьамсарча юрта Яндаре тхов-кӀийле хиларга Г. Ислама тийса са а кхоачашхургда. Ислам а хӀанз тӀема мугӀарашка ва», - йоах хоамо.

Цул совгӀа, цӀа эцара дола сертификат делар ший тӀема декхар кхоачашдеш веннача Газиканаькъан ИбрахӀима даьна. Белгалдаккха деза, майрал гойтарах цунна Денала орден енна хилар.

Вахара хьалашка хьожаш болча викалаша яхачох, лаьттанцара хьал - из эггара лоархӀамегӀа да, цунца дукха хаттараш двзаденна хул СВО доакъашхой. «Даьхен Лорбой» лодама ганза, иштта доалахьарча лаьттан гӀулакха йолча Министерствос шоайла бувзам лелабу, из хьашт кхоачашдеш аттагӀа хургдолаш.