ГIалгIай мехка хьаллоац СВО бIухой дезал гIулакхаца а дешаца а
24.10.2025 09:32
ГIалгIайчен «Даьхен лорабой» ганза филиала шийна могар ду ЛаьрххIа йола операци дIахьоча латташ болча бIухой дезал эшачунца хьаллоацаш, аьлар «Сердало» газетага цигарча болхлоша.
«Укх деношка ганза болхлой Курскенаькъан Мухьмад, Султиганаькъан ИбрахIим, иштта берий психологаш Местой Хьава, Меданаькъан Милана баха хилар бIухой гаргара нах болча. Цун бахьан дар, тахан тIема мугIарашка латташ болча бIухой дезал хьаллацар. Доккха во дена хиларах цхьабараш балане ба, цудухьа царна новкъостал эш», - йоах хоамо.
Цу болама чудоагIаш, вахара даькъ тIара болх лелабераша шоаш тIахьожам лоаттабеш болча нахацара бувзам вIашагIбеллаб, хIаьта берий психологаша лаьрххIа йола ха дIахьу берашта шоай дагалатта хала уйлаш аттача яха, чура паргIатабала гIо деш.
